Plantun de Prouvènço

Pèr coumpara dos planto d'encò nostre

Euphorbia serrata & Stellaria nemorum

Euphorbia serrata

Euphorbiaceae

Noms en français : Euphorbe à feuilles en scie, Euphorbe dentée.

Descripcioun :
Aquelo eufòrbi se recounèis à si fueio e si bratèio touto dentado en serro (resso). Li glando soun un pau en croussant emé de bano di pichòti. Es uno planto dóu miejour que s'atrobo pas dins lis uba..

Usanço :
Coume tóuti lis meno d'Euphorbia, la laschusclo-serrado es uno planto empouisounanto. Lou la que s'escoulo à la coupo èi di proun irritant pèr la pèu, lis iue e la bouco. Pamens, poudès vous n'en servi pèr crema li berrugo.

Port : Erbo
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Euphorbia
Famiho : Euphorbiaceae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printems

Sòu : Ca
Autour basso e auto : 0 à 1200 m
Aparado : Noun

Liò : Roucaio
Estànci : Pancaro entresigna
Couroulougi : Pancaro entresigna
Ref. sc. : Euphorbia serrata L., 1753

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.